Sportera.Jo(@sportera.jo) 인스타그램 상세 프로필 분석: 팔로워 5,526, 참여율 4.35%

انت مش عاجز و لا متألم أنت بس مش لاقي مين يفهمك شو مالك . ما تخلي حدا يوقفك … العلم ما خلص لا عند طبيب و لا عند معالج و لا ببلد معين و لا حتى عندي أنا شخصيا … لا تستلم لألمك … و لا تقول مهو الدكتور الفلاني قال … هو مش صاحب الكلمة الأخيرة … الكلمة الأخيرة عندك أنت … يا بتعيش مهزوم يا اما بتكسر المستحيل … قوتك الجسدية بتنعكس على نجاحك بالحياة و تقدمك … لو اني استسلمت لكلام الاطباء و المعالجين كان أنا هلا لسه بستنى مين يحملني لحتى اروح اعمل ابسط الأشياء بحياتي . #sporterajo #salamalnaber #successjourney #healing #life

الجسم الأنثوي للشباب ... اما البنات فأنت أصلا أنثى ، خلقتي انثى و تكونتي انثى ... شكل جسمك يميزك عن غيرك و اللي بيبرز رسمة الجسم هو طريقة اللبس (خارج آسوار الجيم لانه هذا خارج تصنيف الاناقة). أناقتك و رسمتك بتبلش انك تختاري قطع اكبر من سايزك بشوي ليش ؟ حتى لو انتي نحيفة اللبس الديق بيعمل طعجات و هذا لسه ما قمنا عالبوفيه 🍜. كل شكل جسم اله طريقة لبس مختلفة عن الثاني. لا تردي على حدا باشي اسمه إخفاء عيوب الجسم ... الحمدلله انخلقنا بأجمل تكوين ... عندك جزء اكبر من جزء؟ عادي مش مشكلة ، ممكن يتعدل بالرياضة بس لا تخلي هذا الموضوع يحسسك انك اقل جمالا من باقي البنات فقط اعرفي شو تلبسي. جسمك مستطيل، إجاصة، مثلث ، مثلث مقلوب ، ساعة؟؟ كلك جميلة. حبك لشكلك بينعكس على حضورك. للمعلومة في بنات كتير بيعملو عمليات تجميل شفط، حقن، نحت، تكسير أضلاع ، بعدين بقولولك طبيعي 🙂. #sporterajo #salamalnaber #تجميل #beachbody #summerbody

عادي !!؟؟ كل الناس بصير معهم هيك ؟؟!! إصابات انتقالك من رياضة لرياضة بشكل مفاجىء بدون اعادة تهيئة للجسم انت عم بتقول للإصابة: -اهلا و سهلا شرفتينا نقي و استحلي مفاصل ، أربطة ، عضلات ، عظام … التهيئة بتكون بإعادة ضبط الجسم مش انك توقف الرياضة السابقة و تقعد تستنى شهر ويلا شهرين مش خميرة عجين الموضوع (هيني بفهم بالطبخ كمان). لازم تتوجه لتدريب فردي اولا لحتى يكون كل التركيز عليك و على نقاط الضعف اللي موجودة و ممكن تتعرض لإصابة نتيجة الرياضة اللي بتمارسها . الرياضة مش بس تغيير جو و عرق ، الها اساسيات و تجاوزك لهاي الأساسيات راح يعرضك لألم ،إذا مش شلل دائم. #sporterajo #salamalnaber #calesthenics #mobility #jointpain

مش كل مشهور سوشيال ميديا يعني صح … العلوم كثيرة و لكل مهنة اختصاص و مجال و حتى اختصاصات فرعية داخل نفس الاختصاص الواحد … مثل ما المدرب ما بينفع يتدخل بالعمليات و الجراحات كمان نفس الاشي ما بنفع الطبيب يتدخل بالتمارين و نوع التمارين و آلية التمارين … ببساطة مش اختصاصه …. إذا للأسف ما عندك ثقة بالمدربين الرياضيين و المعالجين لأسباب شخصية فكمان في ناس ما عندها ثقة بالأطباء لأسباب شخصية ، بالمجمل هل هذا كلام سليم ؟؟؟ اكيد لا . بكل مجال في الشخص العالم و في الشخص الجاهل و انت و شطارتك بالبحث و التدقيق على الشخص المناسب لاحتياجك. #sporterajo #salamalnaber #doctors #coach #trust

بالعالمية بتعرف شو يعني فريق تدريب ،،، ؟؟ المهارات القتالية اشي و تحسين و تطوير جسمك ليخدمك بالمهارات القتالية اشي ثاني … عشان تحقق بطولات عالمية و تكون علامة فارقة و اسم لا يتكرر في عالم الرياضة و القتال بدك تتدرب على مستوى واعي و عالي من الحرفية … الفريق الخاص فيك لازم يكون مدرب مهارات قتالية ، مدرب قوة و إعداد بدني ، خبير تغذية رياضية ، طبيب ، معالج ، مؤهل في حال الاصابة و اكيد 💯 راعي مادي . فكرة انك معتمد شخص واحد فقط من هالفريق ليغطي كامل احتياجك انت قاعد بتتعلم مثل ما كانو يرموك بالمي و يقولو بيتعلم يسبح لحاله. فترة تدريبك و مراحل تدريبك هي مواعيد مدروسة مش مواعيد عشوائية (و شو عملت مبارح عشان نعمل اشي تاني اليوم )… جدولك التدريبي بكون مبني لسنة لقدام و يتطور و يتغير حسب المعطيات . بدك العالمية … أتدرب عالميا. طبعا هذا الكلام ينطبق على كل الرياضات. #sporterajo #salamalnaber #fight #fighter #worldchampion

خطي مفتوح الكم اي وقت و لأي سؤال … لا تسمعو من صبية او شب بالجيم لا دارسين و لا متعلمين بس لانه جسمهم زابط و حلو صارو بفهمو شو ببرطمو … النتائج من الحديد و الجيم ما بدها عمر عشان تبين بدها مع الالتزام بالأكل و النوم فعلا بتبلشي تشوفي نتائج بعد اسبوعين ل ٣ و أنا شخصيا إذا متدرباتي ما بلشت أشوف فرق بعد أسبوعين صدقا بقعدهم للحق (يعني في كذبة او اشي مخبينه علي) زي انه مش ملتزمين بالأكل او في مرض ما حكولي عنه لانه قبل اي تدريب عادة بطلب فحوصات دم و حسب الحالة ممكن نطلب فحص غدد (مراجعة طبيب) اما غير هيك التدريب الصح بيعطيكي نتائج قوية و بسرعة … #sporterajo #salamalnaber #beachbody #gymworkout #gymresults

وقت تمرينك بيفرق ؟؟ الإحماء جزء مهم جدا قبل التمرين ، إذا انت جسمك كان بوضعية سبات و هدوء انت بحاجة وقت اطول للإحماء و رفع درجة حرارة الجسم وتهيئة القلب للبدء بالتمرين . أما إذا انت بتتمرن بعد نهار بالدوام فجسمك أصلا كان ماخد وضعية حركية و ضربات القلب بمستويات جيدة و حرارة جسمك معتدلة او عالية بالإضافة لوجود ضغط طويل أثناء العمل انت مهيا و مستعد بدرجة اكبر انك تحمل أوزان اعلى مقارنة بالشخص اللي بيتمرن اول ما يصحى. انت من اي مجموعة ؟ تمرين صباحي ويلا مسائي ؟ #sporterajo #salamalnaber #morningworkout #eveningtime #warmup

الجسم الأنثوي خرافة باعوكي اياها عشان اتضلك دايما تحاولي ترفضي شكلك. جسمك مثل ما خلقه الله هو جسمك انتي اللي بتعطيه انوثه او رجولة بلبسك بمشيتك بطريقة كلامك . تغيير شكل الجسم بكون فقط عبارة عن تكبير العضلات بالمناطق الهزيلة او المبينة اصغر من باقي الجسم اما شغل عمليات التجميل هذا مش بالجيم. بالجيم ممكن نعزز مظهرك الجميل يا جميل انت و نقدر انطلع احلى نسخة منك بدون ما تكوني بتشبهي حدا. الخصر النحيف بنزل عنه ريل تاني 😌. #salamalnaber #sporterajo #bodyfitness #beachbody #dress

كم دوا أخذته ناسب غيرك بس ما ناسبك ؟ اسمه تشخيص يعني من شخص لشخص … كل السوشيال ميديا هي توعية بالأمراض او الإصابات بالتالي مش شرط كل اشي بتشوفه هو يمثلك او تشخيص لحالتك . ممكن تكتشف معلومة جديدة و تروح تستفسر عنها إذا انت هاي الحالة او لا . مثلما بتخاف تجرب دوا إلا لما تسأل عنه الطبيب نفس الاشي بالتمارين ، خاف انك تجرب تمرين لشفاءك من الالم لمجرد انه حدا حكا (مين ماكان يكون) هذا يخفف الم الرقبة او الظهر او الركبة … إلخ. اسال ، استفسر قبل ما تخبص من عندك و تشخص حالك باشي يمكن عندك نفس الأعراض و لكن مش نفس الداء. 🛑 وهون بوقفكم تستهينو بأثر التمارين اللي ممكن تزيد حالتكم للأسواء مع انه بتكون التمارين صحيحة و لكنها غير مناسبة. #sporterajo #salamalnaber #specialist #physiotherapy #medical

لما التزامك يكون على مزاجك بجبرك تتمرن كل يوم… اولا لخلق العادة بانه الجيم يكون اشي أساسي من يومك ، و ثاني اشي لحتى اقدر اسكر احتياج الفوليوم لتحقيق الهدف تبعك . الرياضة رياضيات و معادلات مش حسبة عشوائية ، لما بسال عن عدد الأيام اللي بدك تتمرن فيهم هذا مش عشان احجز ساعاتك لا . هذا عشان انسق الجدول بعدد تكرارات و مجموعات تمرين تتناسب للبناء العضلي و القوة ، او التحمل المطلوب و شو ما كان الهدف بتغير الفوليوم على اساسه. فالجواب نعم بتقدر تتمرن chest او back او اي مجموعة عضلية يوم واحد بالأسبوع و تاهذ نتيجة حلوة و لكن بشرطين التزامك و تسكير الفوليوم المطلوب. اتمرنو لحتى تاخدو نتيجة مش تتمرنو عشان تتصورو 😉. #sporterajo #salamalnaber #gymworkouts #specialist #comitment

عادي تلعب bench press وانت عندك scoliosis… - مين قلك هاي المعلومة ؟ - الطبيب سمحلي - 🤦🏻‍♀️ لا مسموح او ممنوع عمل اي تمرين هو اختصاص المدرب و المعالج اما المدى الحركي او درجة الضغط فهو من اختصاص الطبيب. المصابين اللي ما بيعرضو حالتهم على معالجين و مدربين راح ينتهي فيهم الالم إلى تشوه مدى الحياة . التمارين و الرياضة تندرس و بتطور لتخدمك و تساعدك تشفى و تعيش بلا الم . اثبتت الدراسات انه هذه التمارين هي من اختصاص المعالجين و المدربين و ليس الأطباء 😏. اخي/ اختي اختارو المعالجين الصح و المدربين الصح غير هيك لا تسلم رحلتك العلاجية فقط للطبيب وتوقف لانك راح تتكرسح. #sporterajo #salamalnaber #sport #physiotherapy #medical

⁨ ⁨ حامل🤰🏻؟ عارفة مين عم يدربك ؟ خلال الحمل و ما بعد الولادة التغيرات في الجسم و الهرمونات للمرأة علم و عالم بحد ذاته ، لا مش اي مدرب مخول انه يقوم بتدريبك . في شهادات بيدرسها المدربين خاصة فقط للتدريب خلال الحمل و الأمومة . من ضمن هاي الشهادات المختصة هي : * Girls Gone Strong – Pre- & Postnatal Coaching Certification * ProNatal Fitness – Pre/Postnatal Performance Training Certification * Fit For Birth – Pre & Post Natal Corrective Exercise Specialist * The Center for Women’s Fitness – Pre- and Postnatal Fitness Specialist Certification ولكن : * National Academy of Sports Medicine (NASM) – Women’s Fitness Specialization. * American Council on Exercise (ACE) – Pre- and Postnatal Exercise Certification جيدة جدا ،لكنها ليست بعمق الشهادات المتخصصة. #sporterajo #salamalnaber #postnatal #prenatal #pregnancyfitness⁩⁩